هذي القصه مب حق اليهال حق الكبار نزلتها اهني لان مافي مكان حق الروايات عالعموم انتو دخلو ماراح تخسروون شي

السلام عليكم ورحمة الله وبركاته
حبيت انزل لكم قصه جديده وحده من الاهل كاتبتها وانا راح انزل الجزء الاول وان شفت الردود راح انزل الاجزاء الباقيه
يلا أخليكم مع القصه:

قصه قطريه (انتصار الحب وهزيمة الكره)

شخصيات القصه:
الجد مبارك والجده منيره الله يرحمها عيالهم:
مساعد وسارة و مريم و مشاعل وفاطمه وعبدالله ومحمد ومنى ونجلاء وفهد

مساعد متزوج موزه من ام اصلال وعيالهم نوف:17 وحمد:15

ساره متزوجه ابراهيم من مدينة خليفه بس زوجها توفى من ثلاث سنين وهي عايشه مع ابوها وعيالهم خالد:19 عبدالعزيز:15 مها:14 نور:13

مريم متزوجه محمد من بن عمران وعيالهم سعيد: 19 غاده:18 ماجد:17 نجود:14 فاطمه:سنه والحين هي حامل

مشاعل متزوجه عادل من الريان وعيالهم الهنوف:17 سالم:16 أنواروأبرار:14 سمر:8 سعد:4

فاطمه متزوجه منصور من الرياض وعيالهم فيصل:15 العنود:12 مبارك:5 مرام:2

عبدالله متزوج تماضر من البحرين وعيالهم سلطان:16 ناصر:15 مثايل:11 الهتان:9

محمد متزوج شموخ من الرياض وعيالهم طلال: 15 عبير:14 شهد:7 تركي:4
منى متزوجه أحمد من الوكره وعيالهم: في:5 مي:4 ضي:2 والحين حامل
نجلاء مخطوبه لولد خالها وهو ساكن في الوكره عمرها: 20

فهد مو متزوج وعمره:21

وباقي الشخصيات بتعرفونهم من خلال القصه

يلا نبدأ بالقصه:
في المدرسه نور وشلتها ويصادف يوم الخميس آخر يوم في الامتحانات
دخلت نور المدرسه تتعلج راحت صوب الصف شافت شلتها قالت نور بصوت عالي: أوووووووه الشله اهني رحبو فيني
صديقاتها:هلا هلا نور المكان
نور: شاسوي نوري وايد قوي
فاطمه صديقة نور تقول وهي تتحلطم: عاش واثق
قالت نور: أف تعالو ساعدوني الكيس ثقيل
نوره: اشجايبه ؟؟
نور: مايخصج
نوره:بل قويه
عائشه: الفراشة تطير وتطير وتزمبر على نور
نور بصوت عالي:وجاااااااع عووش تكتري عني أحسن لج يكفي اني ماكله حصى عليج
عائشه: انزين عمبرو
نور: جب
عائشه: جب يجبج
نور بكل حكامتها تقول: أنا بسكت عنج وبصير أحسن منج
الا اتجي حنين وتصارخ نور: أووووووه هلا والله بحنين الي ماحنت علي سخبارس سعلومس سمسويه اساج ع القــ..
تقاطعها حنين وتقول: بس بس انا بخير
واتجي وراها هاجر نور بصوت عالي: هلاوالله بهاجروو
ترد هاجر: انا مب هاجرو وبعدين الله حيو
نوره: يلا يلا بنات خنروح حق مس كرستين نودي الكتب قبل لا تعصب علينا
الا نوره تقول: أفف هالمدرسه قحط آخر السنه نرجع الكتب
الكل يرد عليها: أي والله
مشو البنات وراحو يركبون الدري ماوعو الا نور طايحه الا الكل يموت عليها من الضحك

نروح الحين صوب مها اخت نور

مها توها داخله الصف << تو الناس
مها: السلااااااااااااااااااااام عليكم جميعا
بشاير: وعليكم السلام فرديا
مها: خخخ شحالج؟
بشاير: تمام انتي أخبارج؟
مها: الحمدالله الا وين جوجو وجوريو وفجور وشيوم وملوك
بشاير: شدراني انا توني جايه
مها: أها
الجوري بصرااخ: مهوي مهوي تعرفين اجابة هالسؤال؟؟؟
مها: وجعوه شفيج الناس يقولون السلام مب مهوي مهوي تعرفين اجابة هالسؤال << تقلد صوتها
الجوري: هههه السموحه السلام عليج شحالج اكيد بخير دومز مو يومز يلا حلي هالسؤال
مها: الحمدالله والشكر وبعدين شقالو لج حمص ماعرف أحل قولي حق حمصيشن تحل لج << حمصيشن لقب بنت شااااطره معاهم في الصف
جواهر وملاك: السلام عليج مهاوي
مها: وعليكم السلام شفيكم نازل عليكم الوحي
جواهر: ليش حبيبتي مب عاجبينيج
مها: امبله عاجبيني بس أول مره تسلمون علي العاده عطينا المفتاح
بشاير: الظاهر شاربين امس شي غلط
مها: يمكن ليش لا
جواهر:أقول مهوي عطيني المفتاح
مها: هاج
جواهر: ثااانكس
مها: يو ولكم
ملاك: مهوووي
مها:هاا
ملاك: هويتي في بير خلينا نروح نخبل بالبنات
مها: يلا
نرجع حق شلة نور
كانو يسولفون ويضحكون الا اتجي بنت تكلم نور: لو سمحتي قصري حسج
نور بكل ثقه: ليش شايفتني مسجل ولا تلفزيون أقصر على نفسي
البنات ماتو ضحك
تبلعمت البنت وقالت بكل فشيلتها: انتي شكلج تبين تتهاوشين
نور: اشرايج انه ودي اتهاوش
البنت: جان قلتي
نور وهي تمثل : تصدقين اني استحي
البنت: تكلمي معاي عدل
نور: اذلفي مكانج
البنت:كلي خرا
نور: أنا آكل خرا يا زفته
هاجر وهي تدخل: نور هدي
نور: ماتشوفينها شتقول
البنت: محد زفت غيرج
نور: وي وي شوفو من تكلم مالت على هالوي الجسم جدر واليد ملاس
البنت تفشلت وراحت وهي تقول: مالت عليج
نور: مالت عليج انتي اشوفج تبلعمتي وماعرفتي شتقولين ها
البنات بصوت واحد: خوااااااااااااااااافه ويك ويك ويييييييك
ماوعو الا الجرس يرن امسكو قلوبهم
وبصوت واحد: ابييييي الجرس رن اللجنه بدت
الدانه: يلا توكلو على الله
نوره: الله معاكم بنات
عائشه: الله يسهل علينا
ندى: الامتحان سهل الا عربي
نور: أي والله قولو الدعاء ومثل ما قالت الدانه توكلو على الله
فاطمه: ندى انتي حمصيشن كل شي سهل
الكل:ههههههه
حنين: بنات يلا يلا اللجان
نور: بناااااااااااااااااااات يلا

نروح لشلة مها

مها بصراخ: يلااااااااااااااااااااااااااااااااااااااااا رن الجرس
جواهر: وجع مهوي لا تخوفيني
الجوري: إي والله انا وايد خايفه
ملاك : شتخافين منه توكلي على الله الا رياضيات
الجوري بتوتر: توكلت على الله
فجر: يلا بنات خلونا نروح اللجنه بدت
بشاير بخوف: تكفووووون لا لالالا تروحووووووون
شيماء: بسم الله عليج قومي قومي
بشاير: لا لا خايفه
مها بخوف بس ماحبت تبين لها: يلا بشور قومي خلينا نروح وبعدين انتي درستي مايحتاج كل هالخوف ولا تنسين الدعاء
بشاير: ان شاء الله بس خايفه
ملاك: أقول بلا دلع خلينا نروح
جواهر: يلا خلونا نورح قبل ماأنسى المعلومات
البنات يلا

وبعد ما مر الوقت وخلص الامتحان تجمعت شلة نور
الدانه ونوره وعائشه ونور وفاطمه وحنين

تقول حنين وهي شاقه الحلج: هاه سهل
عائشه: سهلللللللللللللللللللل
نور:ماي
هاجر : إي والله
نوره: اسئله غبيه هههههههههههه
حنين:إي والله خخخ
عائشه تتكلم بكل حزن: بنااااااااات دبتي تصاوي
نور: ههههه إي والله حتى انا
حنين: أف المقصف امسكر
نور: معليش انا جبت أكل
نوره: عيل يلا املينا
نور: أفا عليج اخذي
عائشه: أم خماس يلا ترى بطني يصاوي
نور: انزين بنات يودو هداياكم
الكل شهق: هدايات شنو؟؟؟؟؟
نور: ذكرى من عندي لكم
نوره: ليش تكلفين على نفسج
نور: لا حووول ما يسوى علي
نوره: انا مو ماخذتها
نور: أفااااا ترديني
نوره: عزيزه وغاليه جيبيها
نور: أي ذي نوره الي اعرفها
وزعت نور الهدايا

نروح لشلة مها

مها بصراخها كل عاده: هاااااااااااااااا بنات حلو الامتحان
بشاير:وااااااااااااااااااااااااااااااااااااااااايد
الجوري: الحمدالله
ملاك: توقعته صعب بس جا سهل وحلو على قولة مهوي
جواهر: ايزي يا عزيزي
فجر: بناااااااات بناااااااات
مها وملاك: هااااا
بشاير: سمي
الجوري: نعم
جواهر: هلا
فجر: مهوي وملوك هويتو في بير بشور سم الله عدوج الجوري نعم الله عليج جوجو هلا فيج زوود
مها: أقول لا يكثر شسالفه؟؟؟؟
فجر: السالفه ومافيها اننا ماراح نفترق
البنات بصوت واحد: صج
فجر: إي والله
ملاك: الله يبشرج بالخير
مها: أحلى خبر سمعته في حياتي
الجوري: ارجوج لا تبالغين
جواهر: فجور مين قال لج ؟؟
فجر: أبله هيا
البنات : اها
فجر : تعالو شسويتو في امتحان الرياضيات
البنات : الحمدالله سهل
شيماء بضيقه: هاي بنات
مها: هايات اشفيج لايكون ماسويتي زين ؟؟
شيماء: لا الحمدالله سهل بس في مسأله غلطت فيها
الجوري: خليها على الله
مها: بنات انا جبت لكم ذكرى
الجوري: حتى انا
بشاير: وانا بعد
جواهر: مي توو
فجر: مي ثري
شيماء : يه كلنا جبنا
ملاك: شفتي شلون
وزعو على بعض الذكرى

وجات لحظة الفراق الي تصيح والي متضايقه والي حزنانه والي والي الخ....

اجتمعو الشلتين مع بعض
دانه: بنات لا تقطعون هالله هالله بالاتصالات
نور بغشمره: فواتير فواتير
الكل قام يضحك
بشاير بدموعها: بنات بتوحشوني
الجوري: خلاص بشور لا تصيحين
حنين: يلا بشاير مسحي دموعج
والكل حضن بعض
وخلاص رن الجرس وجا وقت الفراق الكل راح بيته

في البيت تحديدا في الصاله:

الجد: ساره ما جو العيال ؟؟
ساره: لا يبا لحد الحين ماجو تلاقيهم جايين في الطريق
الا في دخلة مها ونور: السلااااااام عليكم
الجد وساره: وعليكم السلام
وراحو حبو راس جدهم وراس امهم
ساره: ها يما شخبار الامتحان ؟؟
مها: سهل
نور: جاوبت بدالي
ساره: الحمدالله
مها: يما خالد وعبدالعزيز ماجو ؟؟
ساره: لا يما قالو بيتأخرون
مها: اها
نور: يما انا بروح انام
ساره : أول شي تسبحي وصلي الظهر عقب نامي
نور: يما باقي ساعه على اذان الظهر
مها: اشفيها تسبحي والبسي عاد انتي تاخذين وقت لين تتسبحين
نور: ان شاء الله
وراحت نور
ودخل فهد
فهد: السلام عليكم
الجد ومها وساره: وعليكم السلام
فهد: قوه
الجد ومها وساره: الله يقويك
ساره: يلا أنا بروح اشوف الغدا اذا جهز ولا لا
الجد: انا بروح اتوضا حق الصلاة مابقى عليها شي
مها: انا بروح فوق
فهد:يعني دخلت الشياطين وخرجت الملائكه
مها:هههههه قصدك دخلت الملائكه وخرجت الشياطين هههههههه
فهد: كله واحد المهم يعني شنو اقعد بروحي
مها: لا فديتك بس بروح أتسبح وبنزل اقعد معاك
فهد: اوكي لا تتأخرين
مها: ان شاء الله
الا يرن تلفون الصاله ويرفع السماعه فهد
فهد: نعم
المتصل: نعم الله عليك شحالك فهيدان؟؟
فهد: وجعوه انا خالك على الاقل احترمني
المتصل: هههههه ان شاء الله فهيدان
فهد: سلوم اخلص شتبي
سالم: مابي شي
فهد: عيل ليش متصل ؟؟
سالم: تبيني اسكر
فهد: تسوي خير
سالم:يه
فهد: اشفيك اتغشمر
سالم: إي عبالي
فهد: يلا ليش داق ؟؟
سالم: عشان اقولك تقول حق خالتي نجلاء تمر علينا الساعه ست ونص عشان بنجيكم اليوم
فهد:أها قول جذي يعني البيت بيكون مليان اليوم
سالم: إي
فهد: بتنامون عندنا ؟؟
سالم: يس يس
فهد: كلكم
سالم:ليش من متى كلنا ننام عندكم الي ينامون عندكم انا و ابرارو وهنوف بعض الاحيان
فهد: خخخ صح
سالم: شخبار الجامعه معاك ؟؟
فهد : الحمدالله ماشي الحال
سالم: خلود وعزوز شسوو في الامتحان ؟؟
فهد: علمي علمك مادري شسوو
سالم: نورو ومهوي شسوو ؟؟
فهد: مادري ما سألتهم
سالم: وي معاك في نفس البيت ولا تدري عنهم
فهد: شدراني ما سألتهم اذا جات مهوي بسألها
سالم: أها
انوار: سلوم ابي التلفون
سالم: انزين
سالم: خالي فهد انا بسكر تامر بشي؟؟
فهد: سلامتك
سالم: اوكي سلاااااام
فهد: سلام
في السعوديه تحديدا في الرياض في بيت فاطمه

فاطمه بصراخ: عنوووود عنووووووووووود
العنود: هلا يما
فاطمه: حطيتي اغراضج كلها ولا لا ؟؟
العنود: الا حطيتها كلها
فاطمه: مانسيتي شي؟؟
العنود:لا مانسيت شي \\\\ يما الساعه كم رحلتنا ؟؟
فاطمه: الظهر الساعه2 وبنوصل الدوحه عالساعه 4 او 5 العصر
العنود: أها طيب يما حطيتي اغراضك واغراض مبارك ومرام ؟؟
فاطمه: إي بس باقي فيصل ماسالته
العنود: فيصل راح يجيب الشهادات مع نايف << ولد عمها
فاطمه: ادري توه اتصل وقال انكم نجحتو
العنود بفرح: صدق يما
فاطمه:إي ودرجاتج حلوه حتى فيصل ونايف
العنود: واااااو طيب يما بروح بيت عمتي فطوم <<< عمتهم تقولهم قولو فطوم لا تقولون فاطمه
فاطمه: اوكي
العنود: يلا بروح البس
فاطمه: يلا انا بعد بروح أرتب الهدايا

نرجع لدولتنا الحبيبه الدوحه تحديدا في بن عمران في غرفة نجود

نجود حاطه اغاني ومطوله وترقص
نجود بصراخ: واااااااااااااااااااااااااااااااااو
غاده: وجع شفيج ينيتي
نجود: وناسه خلصت من الامتحانات وافكتاه
غاده:الحمدالله والشكر
نجود: تعالي اليوم بنروح الوكره؟؟؟؟
غاده: ايوه
نجود: متى ؟؟
غاده: الساعه ثلاث
نجود: الله وناسه اليوم وبكره بنروح الوكره
غاده الف علامة استفهام في ويها: غريبه العاده يوم نقول بنروح الوكره تقولين وع وتتقرفين وتتضايقين
نجود: هالمره غيييييير
غاده تحط يدها على يبهة نجود وتقول: إي الحراره مرتفعه اليوم
نجود: بسم الله علي من الحراره مافيني شي درجة حرارتي طبيعيه
غاده: نجيد انا عاجنتج وخابزتج وماكلتج وهاضمتج و
قاطعتها نجود: بس بس شفيج ؟؟
غاده: ولا شي بس مستغربه منج
نجود: مادري والله أحس من زمان ماشفت ماهو ونوير
غاده: اها
نجود: غدوي ليش ماسالتيني شسويت في الامتحان ؟؟
غاده: آآآآآآآآآآآآآآآسفه شسويتي في الامتحان ؟؟
نجود: ماااااااااااااااي واااايد سهللللللللللللللللل
غاده: الحمد الله المهم باركي لي انا نجحت
نجود: مبرووووووووك والفال لي ان شاء الله
غاده: ان شاء الله انزين طلعي لج ملابس حق اليوم
نجود: اوكي

في بيت مشاعل تحديدا في الصاله

انوار تتكلم في التلفون
أبرار:انواااااااااااار انوارووووو
انوار: وجع شفيج ماتشوفيني اتكلم في التلفون
أبرار: امبله اشوف سكري التلفون بقولج خبر بيفرحج
انوار اكيد مب رايحين الوكره وافرحتااااه<< في قلبها طبعا: انزين
انوار :ليلى بكلمج بعدين اوكي باي
انوار : يلا شعندج ؟؟
أبرار: بنروح الوكره االيوم
انوار في قلبها وع ثم وع ثم وع: أففف ليش مانروح باجر مره وحده
أبرار: بتقعدين بروحج مثلا؟؟
انوار: قعدي معاي
أبرار: مابي أبي أشوف مهوي ونوير وحشوووووووووووووني
انوار: أفففففف بروح وأمري لله
الا بدخلة سمر: اشفيج تتأففين مب زين تقولين أف
انوار: والكوبه انتي شدخلج ؟؟
سمر: دخلني الباب
انوار: ها ها ها مايضحك
سمر : من قال لج تضحكين
أبرار: سموره تدرين اليوم بنروح الوكره
سمر بفرح: صج
ابرار: إي والله
سمر: اكشخخخ اليوم وبكره والله شي
الا بدخلة سالم: شي مو أي شي
انوار: الحين أبي أعرف ليش مستانسين ؟؟! لهدرجه الوكره حلوه كلها رمل وبحر وبيوت وناس يجيبون المرض
سالم: هي هي شفيج ما كله حصى علينا
انوار: أفففف مايصير اليوم وبكره نروح الوكره
سالم: ليش وين تبين تروحين اليوم؟؟
انوار: نبي نروح الستي اليوم \\\\ وبكره الوكره
سالم:اسمحيلي ما في روحه
انوار: ليش ؟؟
سالم:مزاجي مب سامحلي
انوار: أفففف منكم
سمر: مالت عليج حد يتضايق عشان بيروح يشوف جده وأهله
انوار طالعتها بنص عين وراحت غرفتها
سالم: أقولج عاد
سمر : لا ثمود أحلى
سالم: لا تكثرين خلينا نرجع الى محور حديثنا
سمر:خخخخخ أوكي
أبرار: سالم جهزت أغراضك
سالم: إي وانتي ؟؟
أبرار: إي جهزتهم
سمر: ليش انتو بتنامون عندهم اليوم ؟؟
أبرار:إي وبكره بنام عندهم
سمر: تكفين قولي حق امي ابات معاكم بتملل اهني
سالم: ليش تتمللين عندج سعد وانوار
سمر: سعد أوكي لكن انوارو تجيب المرض
سالم: سموره حبيبتي مهما يكون انوار اختج الكبيره ولازم تحترمينها
سمر: ان شاء الله
أبرار: يلا سموره تعالي خليني أطلع لج ملابس
سمر: يلا

في بيت عبدالله

عبدالله توه جاي من الشغل: السلام عليكم
تماضر: وعليكم السلام
عبدالله : قوه
تماضر: الله يقويك
عبدالله: وين العيال؟؟
تماضر: جو من المدرسه تغدو ونامو
عبدالله: زين حطي لي الغدا
تماضر: ان شاء الله وعلى فكره اليوم بنروح بيت ابوي العود
عبدالله: ادري عطوني خبر
تماضر: انت بتودينا ولا الدريول
عبدالله: لا انا بوديكم
تماضر: خلاص روح غير ملابسك وانا بجهز لك الغدا

ومر الوقت وجات الساعه4 العصر عبدالعزيز وفهد يلعبون سوني وخالد يلعب كوره مها ونور عافسين غرفهم ساره والجد مبارك جاهزين وقاعدين في الصاله ونجلاء توها طالعه اتجيب اختها مشاعل

الا بدخلة مريم وعيالها
مريم: السلام عليكم
الكل: وعليكم السلام سلمو على بعض وقعدو غاده ونجود راحو فوق
مها: خلصتي ؟؟
نور : لا برتب غرفتي عقب بنزل
مها: اخلصي تراهم جو
نور: ابييييي
غاده: السلام عليكم
مها ونور: وعليكم السلام شخبارج؟؟
غاده: انا بخير انتو شخباركم؟؟
مها ونور: الحمدالله بخير
سلمو على نجود طبعا مها ونور استغربو من تصرفات نجود العاده ماتطيقهم وطالعهم من طرف خشمها

والساعه خمس ونص جات مشاعل مع عيالها وبعدها تماضر مع عيالها وشموخ وعيالها وموزه وعيالها ومنى وعيالها وبجذي البيت صار مليان والكل كان مستانس ماعاد نوف و حياة ودهم يطلعون من هالمكان

الهنوف: خالتي نجلاء
نجلاء: هلا
الهنوف: بكره بتروحين الستي ؟
نجلاء: لا مب رايحه هووونت
الهنوف: اها
نجلاء: هنوف
الهنوف:نعم
نجلاء: وين غاده
الهنوف: شدراني اكيد فوق
نجلاء: انزين قومي خلينا نروح لها
الهنوف: يلا
نجلاء: يلا
الا بدخلة غاده: هاي
الهنوف: هايات الطيب عند ذكره
غاده: هااا لا يكون تحشون فيني
الهنوف: خخ لا ماحشينا بس خالتي نجلاء قالت تعالي خلينا نروح لغاده
غاده: اهاا
غاده: شحالج خالتي
نجلاء ببتسامه: بخـــير
غاده ردت لها الابتسامه:ان شاء الله دوم
نجلاء: آآآآمين انتي شحالج؟
غاده: الحمدالله بخير بشوفتكم
نجلاء: دوم يارب
غاده : آمين
الهنوف: يعني بطولون خلونا نروح الحوش نتمشى
غاده ونجلاء: يلا

نروح عند الشباب

سعيد: عزوز
عبدالعزيز: نعم
سعيد: قوم فز طولك وجيب السوني خلنا نلعب
خالد: بسكم سوني خلنا نلعب كوره
سعيد: ها شباب فيكم شده ؟؟
سالم: شلون مافينا عن نفسي ماعندي مانع
سعيد: طلول
طلال: انا ماعندي دواس
الكل: هههههههههههههههه
سعيد: بتلعب ولا لا ؟؟
طلال: امبله بلعب
حمد: بلعب
عبدالله: وانا اكيييييد بلعب <<< يصير ولد خال ساره واخوانها وعمره 15 سنه
فهد: معاكم انا مب تنسوني
سلطان: حتى انا بلعب
ناصر: وانا بطالعكم ماقدر العب << الاخ ريوله مكسوره
خالد :ياعويني \\\\ انت بتلعب ولا ؟؟
سعيد: لا بلعب
خالد: عزوز بتلعب ؟؟

عبدالعزيز: يس يس \\\\ مجود بيلعب ولا ؟؟
سعيد: ياحبك للعبط كم مره اقول لك مجود طالع مع أبوي
عبدالعزيز: خخخخ نسيت يلا شباب خلونا نلعب
الشباب: يلااا
عند الحريم
ساره: ها منى انتي الحين بأي شهر ؟؟
منى: في الشهر الرابع
ساره: يلا ان شاء الله تولدين بالسلامه
مريم: انتي حامل في ولد ولا بنت ؟؟
منى: مادري والله للحين ماقالو لي
مريم: أنا احس اني حامل في بنت
موزه: عاد انتي يبين عليج
تماضر: يلا ربي يسهلها عليكم ويارب يرزق لمنى ولد
الكل: آآآآآآآآآآآآآآمين
عند البنات
مها: مايصير غش غش
نجود: ههههههههههه من قالج اننا غشينا ؟؟
مها: مايصير كلكم تفوزون وانا صفر مايصير مايصير عيدو
نور: مهوي مايصير كل ماتخسرين نعيد اللعبه
مها: مادري شفيني اليوم العاده انا أفوز اولكم
أبرار: يمكن لانج متوتره او في بالج شي ثاني شاغلج عن اللعبه
مها: لا مافي شي شاغلني
أبرار: عيل متوتره
مها: يه مافيني شي
عبير: خخخ انزين خلونا نكمل
نور:انوار شفيج متضايقه
انوار: افففف مافيني شي
وقامت
أبرار: على وين ؟؟
انوار: بروح فوق لاعت جبدي من القعده معاكم
وطلعت
أبرار: السموحه يمكن حد مضايقها
نور: هاي محد مضايقها الا ماكله حصى علينا
مها: نور عيب
نجود: لا تسكتينها صح كلامها
عبير: اي والله
مها: مهما يكون انوار اخت أبرار وابرار لا يمكن ترضا حد يتكلم عن اختها بغلط
أبرار: لا انا مارضا عن الغلط وفعلا انوار غلطانه
مها: خليها على الله
نور: الحين شلون بتلعبون ولا لا ؟؟
مها: امبله
نجود: بس هاااا ماراح نعيد اذا خسرتي
مها : لا والله مب على كيفكم بتعيدون
عبير: اقول لا يكثر ابرارو وزعي

نرجع لشباب

فريق سعيد \\\\ خالد وسلطان والحارس عبدالله
فريق عبدالعزيز \\\\ سالم وطلال والحارس حمد
والحكم فهد
سعيد: خلود خلود خذ خذ
خالد: ان شاء الله قووووول
سالم: طلوول لا تخليه يسدد
طلال: ماقدر له سريع
عبدالعزيز: حمدو امسك الكوره لا تخليه يسجل
خالد بصراخ: قووووول قوووووووول
سعيد: كفك كفك
كفو بعض
عبدالعزيز: يا حمد ركز لا تخليه يسجل هدف
حمد: ان شاء الله بس الضربة كانت قويه
سالم: معليه خيرها في غيرها
فهد: فريق سعود 2 وفريق عزوز1ويصفر عشان يبدون بالعب

نرجع للبنات
الهنوف: شتسوون ؟؟
مها: نلعب اونو
نجلاء: بااااال ياقدمكم
غاده: بااااال من زمان ما لعبت اونو
نور: الله يخليج لا تقولين بلعب
غاده: من قال لج بلعب بروح أتمشى في الحوش
نور: غدوي غدوي لا تزعلين ترى اتغشمر
غاده: انا ازعل من حبيبتي النوري
نور: احم احم مب بعض الناس
وتوجه نظراتها لمها
مها: اشفيج ماقلت شي انا سكاته
غاده: شفيكم انااحبكم كلكم
نجود: تسلمين تسلمين
غاده: الله يسلمج
الهنوف: كنج طولتي يلا خلينا نروح
البنات: هنووووووووووووف
الهنوف: نعم
البنات: تحبينا
الهنوف: اموت فيكم بس والي عافيكم خلونا نروح
البنات: ههههههههههههههههههه
نور: تبي الفكه
الهنوف: لا والله بالعكس ابي اقعد معاكم بس نبي نمشي في الحووووش
مها: خلاص خلاص روحو
نجلاء: ها من الحين يبي الفكه؟؟
غاده: اقول خالتي نجلاء و هنوف لا يكثر يلا خلونا نروح

نروح عند نوف وانوار
انوار: اففففففففففف ملل
نوف: وااااااااااااااااااااااايد
انوار: حتى انتي مغصوبه على الجيه
نوف:إي والله حالي من حالج
انوار: اففففف ياحظج بكره بتروحين الشمال لكن انا بجي اهني
نوف: الله يعينج عليهم يجيبون المرض
انوار: وايد
نوف: أقول ما لاحظتي على نجود شي؟؟؟
انوار: امبله
نوف: شفيها تغيرت 90% ؟؟
انوار: مادري عنها الظاهر عادوها أبرار والهنوف وغاده وعبير
نوف: اي والله
نرجع للشباب

سالم: افففف تعبت ماقدر العب
عبدالعزيز: حتى انا تعبت
فهد صفر عشان ينهي الماباراة بفوز فريق سعيد على فريق عبدالعزيز
عبدالله: وااااااااااااااااو 4.. 3
خالد: وطاطه مطاطه وطاطه وطيطه
سعيد: شفيك مب صاحي ؟؟
خالد: أعبر عن شعوري
فهد:ههههههه هالولد مب صاحي
خالد: طالع عليك
فهد: أقول لا يكثر خلنا نشرب لنا ماي

ومر الوقت بسرعه والكل راح بيته وساره والجد نامو والباقي قاعدين

نجلاء: أقول مهوي روحي غرفتي وجيبي شريط الفيديو بتلاقينه على السرير
مها: ان شاء الله
راحت مها
نجلاء: جبت لكم فلم خطيييييير
أبرار: شنو الفلم مصري ولا هندي ولا اجنبي ؟؟
نجلاء: مهوي شتحب
نور: وعععععع هندي
أبرار: بالعكس حلو الهندي
عبير: اي والله
نور: بس كله يشلخون
أبرار: صدقتي بس بعد حلو
نجلاء: الحمدالله انه في حد في العائله يحب الافلام الهنديه
نور: وعععع انتي ومهوي وأبرارو وغدوي وهنوف وعبور تحبون الافلام الهنديه
نجلاء: أقول لا يكثر
مها وهي تركب الدري سمعت اصوات الشباب قامت ولبست شيلتها
فهد: من هاي الي يطخ طخ على الدري ؟؟؟
سالم: شدراني ؟؟
خالد: لا تطالعوني حتى انا مادري
عبدالعزيز: يعني في حد غير مهوي ؟؟
مها: السلام عليكم
الكل: وعليكم السلام
سالم: مهوي شخبارج ؟؟
مها: الحمدالله بخير انت شحالك ؟؟
سالم : الحمدالله تمام
طلال: معقوله انتي تنامين هالحزه
مها: من قال اني بنام انا جايه آخذ شريط الفيديو وبنزل
عبدالعزيز: الفلم شنو ؟؟
خالد: أكيد هندي
مها: عليك ليتات
طلال: خخخخخ الناس تطورو صارو يشفون افلام انجليزيه وانتو لين الحين معلقين ع الهندي
مها: والله الفلم الهندي مافي مصخره مثل الافلام الانجليزيه
سالم: بس بعد لازم تتطورون وتشوفون الافلام الانجليزيه
مها: وانتو شحاركم انتو الي تشوفونه ولا احنا ؟؟
سالم: خخخخ لا انتو
فهد: اقول لا يكثر روحي اخذي الشريط
مها: ان شاء الله
خذت الشريط وشغلوه وكانو قاعدين في الصاله ومطفين الليتات وقاعدين تحت وطالعون الفلم
نور: شهالبياخه
أبرار: افففف مايصير
مها و عبير بصوت واحد: لا حراااااااام
نجلاء: ابيه الله يستر
وبعد خمس دقايق
نور: ههههههههه
أبرار: ايوه ايوه
مها وعبير: الحمدالله الحمدالله
نجلاء: اشوووه
فهد وهو داخل: شفيكم ؟؟؟
عبير: الله يسلمك البطل والبطله تهاوشو وضميرهم انبهم البطل يتصل على البطله والبطله تتصل له يطلع لهم مشغول وحاولو ثلاث مرات بعدها شافو انه مافي فايده راح البطل محطة القطار الي اهي بتروح فيها والبطله نفس الشي ماكان في أمل غير انهم يكتبون حق بعض رساله قام البطل عطا الرساله حق المره الي قاعده في نفس مكان البطله وقال لها اسمها وتعطيها الرساله حتى البطله سوت نفس الشي راحت محطتها وهو راح محطته وقرو الرساله البطله وصلت منطقتها ورحب فيها ابوها وقال لها انه في واحد بيتزوجها البطله اختبصت قامو ولبسوها لبس العرس وزينوها وهي فيها الصيحه خذاها ابوها وداها حق الي بيتزوجها يوم شافته طلع البطل استانسو وتزوجو وجابت له بنت وولد توم وخلص الفلم

فهد: بااااااااال مشاوير
نور: أقولك عاد
نجلاء: يلا قومو بكره ورانا قومه
البنات: إي والله

وجا اليوم الثاني الي هو الجمعه ووصلت اختهم فاطمه الدوحه مع عيالها وكان وناسه وعلى الساعه ثمان في الليل الكل كان موجود من اكبرهم لين أصغرهم

العنود: ها بنات عجبتكم الهدايا الي جبتها لكم ؟؟
نجود: اي وايد حلوه مشكوره
عبير: مشكووووووره حبيبتي
نور: أكيد حلوه دام انها من العنود
أبرار: والله أكثر من حلوه
انوار: مشكوره وايد حلوه الهديه الي جبتيها لي
مها: اي وايد حلوه وتسلمين حبيتي
العنود: عيونكم الحلوه \\\\ الله يسلمك من كل شر \\\\ ولا شكر على واجب حبيباتي
عبير: اقول بنات مب متمللين ؟؟
البنات: واااااااااااااايد
نور: شرايكم نطلع ؟؟
نجود: وين ؟؟
أبرار: امممم شرايكم نروح الحديقه ؟؟
انوار: لا وع حر وروطوبه
العنود: صادقه
عبير: زين شرايكم نروح أي مطعم قريب ؟؟
مها: حلو \\\\ ها بنات شرايكم ؟؟
البنات: اوكي
أبرار: زين من الي بودينا
نور: اخوي خلود
نجود: واذا مارضا
نور: نروح مع الدريول
عبير: ومن الي بتقنعه ؟؟
البنات كلهم طالعو مها
مها: هيه شطالعون ؟؟
نور: قومي اقنعيه
مها: مقابل شنوووو ؟
كلهم فرو عليها المخدات ماعاد انوار
مها: ههههههههههه زين زين بروح بس ابي وحده اتي معاي
البنات طالعو العنود
العنود: هذاني قمت وبنشوف آخرتها
البنات: هههههههههههههههههههه
راحت العنود مع مها
العنود: يوووو وش هالعفش الي داخل
مها: خخخخ قولي ما شاء الله وخليني اطق الباب
العنود:خخات ما شاء الله
طقت مها الباب
صوت واحد من الصبيان: منووو ؟؟
مها: انا مها ممكن أدخل
العنود: وععع ذا سلوم
مها: الله يعين
فتح سالم الباب وقال: ياهلا والله بزوجات المستقبل
العنود: ومن قال لك اني بتزوجك ؟؟
مها: اي والله
سالم: ياحليلج مهوي تغارين من العنود
مها والعنود طالعو بعض وردو طالعو سالم
مها: وي ياحافظ ليش أغار منها أصلا انا مابيك قبل ماتبيك عنود
سالم: مب على كيفكم بتزوجكم بالغصب
العنود: اذا تكلم السفيه فلا تخاطبه
سالم ببتسامه: كل شي منج حلو ياحبيبتي
العنود: طل في وجهك انا ماني بحبيبتك
مها: ياخي استح على ويهك شوي
سالم: فديت الي يغارون انا
مها: هيه لا تقعد تفدي وروح ناد لي خالد
سالم: واذا قلت لج ماراح اناديه
العنود: ياليل ماطولك بتناديه ولا نشوف لك صرفه
سالم بعناد: لا ماراح اناديه \\\\ ويلا وروني الشطاره
العنود: طس من وجهي ودفته
سالم: بنت الذينا صج ماتنعطا ويه \\\\ وانتي ياحبيبتي شبتسوين
مها: حبتك القراده قول آمين \\\\ بتخليني اطوف ولا لا
سالم : لا ماني بطايف
مها: سلوم وخر واذا ماوخرت بدفك
سالم: ههاي ماتقدرين
مها: اف منك ودفته ودخلت
سالم: يه
اول ما دخلت مها وشافت

وان جفت الردود بكمللللل

واااااااااو القصه مشوقه

كمل تسلم على القصه..

~~يسلمووووو على القصه الاكثر من رووووعه~~
:
:
~~تقبل مروري ولا تحرمنا من القصه الحللللللوه~~
:
:
~~اختك مي مو~~

دامـ فيها إسمـ خالد واسمـ مها كملها وتسلمـ ع القصهـ

عدد الرسائل : 48 تاريخ التسجيل : 10/07/2008

يعطيك العافية اخوي ع القصة
وعساك ع القوة

وننتظر التكملة

سوووووووووري ع التأخير الضرووف وما تسوي

المهم ترى في شخصيات تغيرت اساميهم

ويلا ع البارت الثاني

اول ما دخلت مها وجافت الصبيان الي قاعد والي منسدح والي يتضارب مع الثاني والي يلعب سوني ....الخ
فهد: حيا الله مهوي حياج حياج
مها : الله يحيك الا وين خالد
فهد: طلع مع سَعود
العنود: يووو الحين من بودينا
فيصل وهو منسدح: ليه وين بتروحون ؟؟
العنود: نبغا خالد يودينا مطعم
عبدالعزيز وهو يلعب سوني مع ماجد: خلاص خلاص روحو لبسو عبيكم وانا ومجود بنوديكم
ماجد: لا والله احلف بس
عبدالعزيزبعبط: والله
ماجد: اسمح لي
عبدالعزيز: زين ليش ؟
ماجد: أكيد البزران بيروحون وانا مافيني حيل انظف من بعدهم
مها: لا شدخل البزران مب رايحين
ماجد: عيل من الي بيروح ؟؟
مها: انا والعنود ونور نجود وأبرار وحياة وعبير
ماجد: زين روحو لبسو عبيكم بنوديكم انا والحبيب
مها والعنود: هِيّه
سالم: لالا مافي روحه
فيصل: وانت وشدخلك ؟؟
سالم: هذول زوجاتي وانا مب راضي انهم يطلعون
عبدالعزيز: هههههههه
سالم: ضحكت من سرك بلى
عبدالعزيز: خخخ اي والله زوجاتي \\ بأمر من مها زوجتك ؟؟
مها: عاش اخوي عاش
عبدالعزيز: ههاي عاشت ايامج
العنود: فصول انا مابغا سلوم فكني منه
فيصل: لا حبيبتي سلوم صار نسيبي ماقدر افكك منه
العنود: ها ها ضحكتني وانا مافيني الضحكه
فهد: هيه العنود مب زوجتك
سالم: يه
فهد: لا ما يه
الكل: ههههههههههههههههه
ماجد: العنود ومها روحو قبل ماهون
العنود ومها: لالا لاتهون
وراحو يركضون
الكل: ههههههههههههههههههه
راحو العنود ومها قالو للبنات وستانسو ولبسو عبيهم وطلعو الحوش
العنود ونور ونجود ومها ركبو وابرار وعبير يتهاوشون
ماجد: هيه شفيكم تتهاوشون ؟
ابرار: انا ابي اقعد عند الباب
عبير: لا انا
ماجد: اذا بتتهاوشون لا تون معانا قعدو في البيت
مها: عبور قعدي ماكني وفكينا
عبير: زين
ماجد: عزووووز يلا
عبدالعزيز وهو يلبس غترته: كاني كاني
وركبو السياره
عبدالعزيز: الكل موجود
البنات: اي
عبدالعزيز: مهوي موجوده
مها: كاني في الوسط
عبدالعزيز: ياربي لاتعميني \\ نور ابرار عبير نجود العنود موجودين
نور: يب يب
عبير ونجود العنود: موجودين
ابرار: انوار مب موجوده
ماجد: وينها ذي بعد وقام يهرن
عبدالعزيز نزل الدريشه وبصراخ: انواااااااااااار انوااااااااار يلا بنرووووح
انوار وهي طالعه: كاني كاني

وركبت وراحو ماكدونالدز الي في المطار طلبو وكلو ورجعو البيت
وبعدها كلن راح بيته ماعاد عبير وابرار وسالم وطلال لانهم بينامون عندهم

أظن هاي يكفي وابي ردووود وابي رايكم في احلى شخصيه يلا بوورب

أبو عزوز كمل كمل القصه حلوه ابي اعرفها كلها

رووووووووووووووووووعــــه كمل الله يعطيك العافيه ...